خصوصی رپورٹ: احمد طلال/خواجہ بابر فاروق
ترجمہ؛ جنید ملک
سینٹ، پاکستان دی پارلیمان دا ایوان بالا اتے وفاق دے استحکام دی علامت ادارہ اے جیندے اچ ساریاں وفاقی اکائیاں دی ٻغیر کہیں وانڄھ دے آبادی و جغرافیہ برابر نمائندگی اے، ایں ادارے دا پہلا مقصد قومی بھرا بھرپی ودھاوݨ اے، ݙو ایوانی نظام حکومت و سیاست اچ جمہوری تسلسل سانڳے ایںا دارے دی ہمیشہ توں وݙی اہمیت اے۔ ہر 3 سال بعد سینیٹ دے ادھے ارکان اپݨی مدت ا??تخ??ب پوری کر ڳھندن جیندی ڄاہ تے ٻئے نویں ارکان چݨیے ویندن۔ چیئرمین سینٹ صدر مملکت دے نہ ہووݨ دی صورت اچ قائم مقام صدر بݨ ویندے۔
سینیٹ دا قومی ہم آہنگی، وفاقی اکائیاں دے حقوق، جمہوری و پارلیمانی ریتاں دا محافظ اتے ملکی استحکام دا تھمبا اے بھل ہک ݙو ڈھاکیاں توں سینیٹ ا??تخ??بات اچ پیسے دی سیاست، ووٹ ویچݨ، سیاسی و ذاتی اثرورسوخ دے استعمال اتے ہارس ٹریݙنگ ایں باوقار ایوان دا تاثر مسخ کر ݙتے۔
پارلیمان دے ایوان زیریں دے ارکان آلی کار سینیٹ ارکان براہ راست عوام دے ووٹ نال نئیں چݨیندے بھل او قومی و صوبائی اسمبلیاں دے ارکان دے ووٹ نال سینیٹر بݨدن۔ سینیٹ اچ ہر صوبے اتے وفاق کیتے ٹیکنو کریٹس، علما، تریمتیں اتے اقلیتاں ک??تے وی نشستاں ہین۔ پیشہ وارانہ اتے علمی و فکری قابلیت تے وی کوئی رکن سینیٹ بݨ سڳدے۔
ایں واری آندے 3 سال کیتے سینیٹ ا??تخ??بات 3 مارچ 2021 کوں تھیوݨن۔ ہر صوبے توں 7 عمومی، 2 تریمیتں، 2 ٹیکنو کریٹس، ہک اقلیتی رکن چݨیسی۔ وفاقی دارالحکومت اسلام آباد توں ہک جنرل اتے ہک تریمت چݨی ویسی۔ ہر صوبائی اسمبلی دے ارکان اپݨے صوبہ دی نمائندگی کیتے سینٹ ارکان چݨسن ڄݙاں جو وفاقی دارالحکومت دیاں 2 سیٹاں ک??تے قومی اسمبلی حلقہ ا??تخ??ب ہوسی۔
سینٹ ا??تخ??بات اچ پیسے دی تݙ تے ووٹ ملھ ڳھنݨ دے شواہد توں بعد وزیراعظم عمران خان شفاف ا??تخ??بات کیتے اوپن بیلٹنگ دی تجویز ݙتی بھل ایندے تے سیاسی جماعتاںا چ اتفاق نئیں تھی سڳیا، ایں سانڳے سپریم کورٹ توں صدارتی ریفرنس تے سینٹ ا??تخ??بات اچ ووٹنگ دے طریقہ کار تے رائے منڳی ڳئی اے۔
وفاقی وزیر اطلاعات و نشریات سینیٹر شبلی فراز آہدن جو ملک اچ ہر قسم دے ا??تخ??بات شفاف ہووݨے چاہیدن، سینٹ الیکشن دی شفافیت کیتے حکومت اوپن بیلٹنگ چاہندی اے، قانونی و اخلاقہ ڈوہیں حوالے نال اے اہم اے، اڄ اے فیصلہ کرݨا ہوسی جو پیسے دی سیاست ٹو??ݨی اے یا میرٹ، اہلیت اتے جمہوری بنیاد تے ادارے تکڑے کرݨن؟ جو کیوں ایوان، ووٹ، جمہوریت اتے جمہوری اداریاں دا تقدس بحال کریڄے۔ انہاں اپوزیشن جماعاں کوں آکھیا جو او میثاق جمہوریت دا پاس رکھیندے ہوئے، ایں موقع توں فیدہ چاون اتے سینیٹ الیکشن اچ میرٹ، اہلیت اتے اخلاقایت کوں اڳونہا کرن۔
وفاقی وزیر برائے تعلیم و پیشہ وارانہ تربیت شفقت محمود سینیٹ ا??تخ??بات اچ ہارس ٹریݙنگ کوں افسوسناک قرار ݙیندے آکھیے جو ایندے نال جمہوری نظام تے سوال اٹھدن، اپوزیشن کوں اوپن بیلٹنگ توں انکر نئیں کرݨا چاہیدا کیوں جو سینیٹ وفاق دا ݙھانچہ اتے ملک دا فعال ادارہ اے، ہݨ ویلھا اے جو سینیٹ ا??تخ??بات کوں مشکوک نئیں شفاف بݨایا ونڄے۔۔
مسلم لیگ( ن) دے رہنما،سینٹ دی قائمہ کمیٹی خارجہ امور دے چئیرمن سینیٹر مشاہد حسین سید آہدن جو اساں اڳیں وفاق دی بجائے یونیٹری سٹیٹ اتے مرکزیت دی بݨیاد تے ریاست چلاوݨ دی کوشش کیتی اے، وفاق دی اکائی ہوندے سینیٹ چنڳاں کم کیتے، سینیٹ دا مقصد ایہو اے جو ایشوز دی سیاست کیتی ونڄے، ہارس ٹریݙنگ مسلیاں دی وݙی وڄہ اے، جیکر کتھائین پیسہ چلیے تاں ایکوں اڳو تے ݙکݨ کیتے قانون سازی تھیوݨی چاہیدی اے، ایندے اچ سینیٹ دا نئیں نظام دا قصور اے،اے ڳند رل مل تے میلݨا ہوسی۔
سینیٹ الیکشن کیتے امیدوار میدان اچ آڳین، ودھ نشستاں جیتݨ کیتے میل ملاپ، جوڑ توڑ زور تے ہے، مبصرین آہدن جو عددی برتری پاروں پی ٹی آئی کوں ودھ ارکان ملݨ دی لوڑھ اے جیندے بعد او ایوان دی وݙی جماعت بݨ ویسی۔
سینیٹ ا??تخ??بات اچ اے امید کیتی ویندی اے جو سیاسی جماعتاں جمہوری و اخلاقی اقدار ہتھیکے رکھدے ہوئے ایوان بالا دے مقاصد اڳونہے رکھسن اتے اعلیٰ پارلیمانی و جمہوری ریتاں نال ا??تخ??ب خیر نال تھیسن۔ اڄ پارلیمان دا ایوان بالا تاریخ دے نویں دور اچ ویندا پئے جتھاں سیاسی جماعتاں حقیقی جمہوری اقدار سانڳے صاف ستھری سیاست اڳونہی کر تے پارلیمانی نظام کوں تکڑا کریسن۔
