اسلام آباد 22 مارچ (اے پي پي) د اسلامي پرمختيائي بېنك (آئي ډي بي) ګروپ صدر ډاکټر محمد الجسير وئيلي دي چې د افغان اولس مرستې لپاره او آئي سي ،مرسته كوٶنكي هېوادونه٬ ادارې او نړيوالې ورورولۍ له كوټلې هڅو ته اړتيا ده، د پاكستان ورځ په موقع د پاکستان اولس او حکومت له مباركي وركوم۔ ده دا خبرې د نهې په ورځ د اسلامي مرستې تنظيم (آوآئي سي) د خارجه وزيرانو کونسل پرانستې غونډې ته خپلې وېنا كښې وكړه۔ ده د او آئي سي هېوادونو ترمېنځه تجارت او د تجارتي راهدارۍ د ودې په اړتيا زور رواړلو سره ده ووئيل چې د اسلامي هېوادونو ترمېنځه تجارت او په اقتصادي څانګو كښې مرستې ته وده وركول د وخت ضرورت دے ۔ د آئي ډي بي صدر افغانستان لپاره د هومينټرين ټرسټ فنډ جوړېدو هركلے كولو سره ووئيل چې دا د افغانستان اولس سره د او آئي سي لخوا د يوالي څرګندونه ده، د دې فنډ فعاله كېدو سره به افغانستان كښې د انساني همدردۍ په بنياد مرسته كول ممكن شي٬ مونږ به هڅه كوٶ چې د فنډز د لارې ترلاسه عطياتو او مستې په سپېځلې ډول استعمال باوري كړې شي۔ ده ووئيل د افغان اولس د مرستې كار يوه اداره يا يو هېواد تنها نشي كولې، په دې لړ كښې به نړيوالې ورورولۍ له د افغان اولس معاونت لپاره راوړاندې كېدل وي، اسلامي پرمختيائي بېنك د تېر دسمبر څخه پرله پسې دوه اړخيزه شراكتدارو٬ مرسته كوٶنكو هېوادونو او ادارو سره په دې لړ كښې مشاورت كوي۔ ده ووئيل افغانستان لپاره هيومينيټرين ټرسټ فنډ له مخئ به د افغانستان كليوالو سيمو ته خاص پاملرنه كولې شي ځكه چې 75 فيصده افغانان په كليوالو سيمو كښې مېشته دي٬ په كليوالو سيمو كښې زرعي پېداوار كښې اضافه٬ د انجونو تعليم٬ مېرمن اختيار منې جوړول او د برېښنا او نورو بنيادي ضروتونه وركولو ته به ترجيح وركولې شي٬ دغسې په افغانستان كښې د بشري خواخوږۍ په بنياد د مرستې په كارونو كښې د نجي څانګې شموليت باوري كولو لپاره به هم اقدامات كولې شي۔ ده ووئيل بېنك ټولو شراكتدار او نړيوالې ورورولۍ سره په ګډه د افغان اولس د مرستې عزم لري۔ ده افغانستان لپاره د هوميينټرين ټرسټ فنډ او د اسلامي کنفرنس تنظيم د وزارتي غونډې په كوربتوب كولو د پاکستان مننه وكړه۔
د افغان اولس مرستې لپاره او آئي سي ،مرسته كوٶنكي هېوادونه٬ ادارې او نړيوالې ورورولۍ له كوټلې هڅو ته اړتيا ده ۔ د آئي ډي بي صدر ډاکټر محمد الجسير
مضمون کا ماخذ : کنگ میکر
متعلقہ مضامین
