اسلام آباد 29 مارچ (اے پي پي) د كورنيو چارو وفاقي وزير شېخ رشيد احمد وئيلي دي چې د عدم اعتماد تحريك لپاره بهر څخه فنډنګ كېږي ٬ كومو كسانو چې په نړيواله كچه سازش كړې دې ھغوي به ناكامه كېږي، د پي ټي آئي اوسنۍ جلسې ثابت كړې ده قام وزيراعظم عمران خان سره ولاړ دے، (ق) ليګ سره په شريكه رضامندۍ چارې ترسره شوې دي٬ خواهش لرو چې اېم كيو اېم هم حكومت سره ودرېږي، د عدم اعتماد په تحريك به ووټنګ په 3 اپرېل كېږي۔ د نهې په ورځ خبري كفنرنس ته خپلې وېنا كښې وفاقي وزير ووئيل امنيتي ځواكونو ناوړه عزائم لرونكي څلور ترهګر نيولې دي چې په ضد به ئې د ترهګرۍ په عدالت كښې كېس چلولې شي۔ وفاقي وزير په اسلام آباد كښې د اولسي اجتماعاتو په سوله ايز انعقاد د اطمينان څرګندونه وكړه۔ ده ووئيل چې داخله وزارت په يوه مياشت كښې په جلسې جلسونو٬ مارچ او د او آئي سي په كنفرنس كښې بوخت ٶ او ټولې معاملے په خېرخېريت سره پائې ته رسېدلې دي په دې ټول فورسز له مباركي وركوم، اوس كنټېنرز لرې كړې شوي دي او ټول سړكونه پاك كړې شوې دي۔ شېخ رشيد احمد د مسلم ليګ (ق) لخوا د وزيراعظم عمران خان د ملاتړ د پرېكړې ستائنه كولو سره ووئيل دا ښه پرېكړه ده۔ ده ووئيل اميد لرو چې اېم كيو اېم به هم د دوي پېروي وكړي۔ شېخ رشيد ووئيل په عدم اعتماد به ووټنګ په درېم اپرېل كېږي٬ په 31 مارچ به په عدم اعتماد بحث كېږي او د دې نه پس به ووټنګ په درېم اپرېل كېږي٬ د عدم اعتماد د تحريك پرېكړه به په آخري ساعت كښې كېږي۔ ده ووئيل هڅه كوٶ چې په درېم اپرېل اپوزيشن د 172 كسانو شمېره ترسره كړې ۔ ده ووئيل د پنجاب ګورنر به د وزير اعلي عثمان بزدار د استعفې اعلاميه جاري كوي٬ عثمان بزدار په تلو تلو كښې په پېنډۍ كښې د پوهنتون جوړېدو منظوري هم وركړې ده ۔ د يوې پوښتنې په ځواب ده ووئيل زه درې خواهش لرم يو دا چې قام دې وزيراعظم عمران خان لپاره ودرېږي٬ دوېمه د ناله لئۍ منصوبه دې جوړه شي او سپېځلې او بې پرې انتخابات دې وشي
د عدم اعتماد تحريك لپاره بهر څخه فنډنګ كېږي٬ قام وزيراعظم عمران خان سره ولاړ دے٬ سازش كوٶنكي به پاتې راځي۔ د وفاقي وزير شېخ رشيد احمد پرېس كنفرنس
مضمون کا ماخذ : عظیم البینی
متعلقہ مضامین
