كوئټه 19 دسمبر (اے پی پی)نګران وزيراعظم انوار الحق كاكړ وئېلي دي پاكستان د وفاق په حېثيت د خپلو كلتورونو٬رواياتو او د ژبو تنوع څخه تقويت ترلاسه كوي٬د بلوچستان اصل سرمايه دا خلق او دا تهذيب دے٬ د زرګونو كلونو تهذيب مركز بلوچستان د خپلو ځالانده رواياتو امين دے۔د دې خيالاتو څرګندونه ده د نهې په ورځ په پاكستان ټېلي ويژن د هزاره ژبې پروګرام د پېل كولو دستورې ته په خپله وينا كښې كړې۔نګران وزيراعظم انوار الحق كاكړ ووئېل په هزاره ژبه په پي ټي وي خپرونې پېل كولو خوشحالي محسوسوم۔په دې منطقه كښې پښتو٬بلوچي او هزاره او فارسي ژبې موجود دي۔په بلوچستان كښې يوه بله ژبه په قامي كچه رامخې ته كېږي٬بلوچستان كښې ميډيا صنعت ته وده وركول زمونږ ترجيح ده٬ ده ووئېل هزاره ورورولۍ سره زمونږ قربت پخوانے دے۔بلوچستان او كوئټه كښې هزاره ورورولۍ يو پېژندګلي لري۔ده ووئيل هزاره ورورولۍ كښې يوه لويه شمېره د ترهه ګرۍ ښكار شوو شهيدانو ده۔ترهه ګرو د بلوچستان هره طبقه په نخښه كړې٬د ترهه ګرۍ مقابله به مونږ ټولو له په ګډه كول وي٬ ده ووئېل د بلوچستان اصل سرمايه د دې ځاے خلق او تهذيب دے۔په بلوچستان كښې مېشته ټولو ورونړو ته يو ډول حقونه ترلاسه دي۔ده ووئيل پاكستان د كلتوري پېژندګلو امتزاج دے كوم چې يو بل مضبوطوي٬د نورو صوبو غوندې بلوچستان هم د نسلونو او قبائل يو بشپړ امتزاج لري چرته چې د دوي كلتورونه او اقدار د بلوڅو روايات سره تړلې شوي۔ده د بلوچستان هزاره ورورولۍ ستائنه كولو سره ووئېل د كوئټې او صوبې په پرمختګ كښې د دوي كردار مهم دے۔د هزاره ورورولۍ په ځانګړو شخصياتو كښې د بلوچستان پخوانے ګورنر جنرل(ر)محمد موسٰی٬سردار سادات او برېګېډيئر خادم حسېن شامل دي چا چې د خپلې ديانتدارۍ له امله عزت ترلاسه كړے ۔ده د ترهه ګرۍ چېلنج په مقابله كولو هزاره ورورولۍ ته د عقيدت پېرزوئنې وړاندې كړې او وئېلې يې دي چې د ترهه ګرۍ څخه د هېواد ټولې طبقې ځپلې شوي۔ده د دې عزم څرګندونه وكړه چې په اتحا قام هغه عناصرو ته ماتې وركولې شي كوم چې په د ورونړو تر مينځه تفرقه او تفريق راپېدا كوي۔ نګران وزيراعظم انوار الحق كاكړ بلوچستان او پاكستان د امن مركز جوړولو عزم څرګندولو سره ووئېل د امن څخه فنون لطيفه ته وده ترلاسه كېږي۔وزيراعظم هزاره ورورولۍ ته د دوي په ژبه كښې د پي ټي وي د پروګرام په پېل كولو مباركي وركولو سره دا باور څرګند كړو چې صلاحيت لرونكې كميونټي به دا پليټ فارم كارولو سره خپل ښكلے كلتور رامخې ته كړي۔ده ووئيل پي ټي وي يوه تاريخي اثاثه ده چا چې د خپلو غوره پروګرامونو د لارې د قام ډاډګېرنه ترلاسه كړې۔ده د ادارې پرمختګ لپاره د ححكومت لخوا د مرستې جاري ساتلو عزم هم څرګند كړو ۔په دې موقع نګران وزيراعظم انوار الحق كاكړ د پي ټي وي بولان نوې لوګو پرانسته هم وكړه۔په دې موقع د اطلاعات او خپرونو نګران وفاقي وزير مرتضٰی سولنګي هم خطاب وكړو۔د هزاره شاعر قادر نيل د هزارګي ژبې پروګرام په تاريخي پېل وزيراعظم انوار الحق كاكړ او د اطلاعات او خپرونو وفاقي وزير مرتضٰی سولنګي ته د عقيدت پېرزوئنې وړاندې كړې او ووئېلې ئې چې دوي د سيمه ايزې ژبې پروګرامونو په ګلدسته كښې يوه ښكلې اضافه وكړه۔سندرې غاړې زيبا نوري په هزاره اولسي سندره هم وړاندې كړه او په روايتي بلوڅ لباس كښې ګڼو ماشومانو د هزاره ژبې په سندرو رقص وكړو۔
كلتوري تنوع او ځلانده روايات د وفاق د قوت ذريعه ده٬د زرګونو كلونو د تهذيب مركز بلوچستان د خپلو غوره رواياتو امين دے۔ وزيراعظم انوار الحق كاكړ
مضمون کا ماخذ : لاٹری کے نتائج
متعلقہ مضامین
