بيجنګ 02 نومبر (اے پي پي) وزير اعظم شهباز شريف بيجنګ عظيم عوامي هال كښې د چين صدر شي جن پنګ سره ملاقات کړې چې پكښې د اېم ايل ون د ابتدائي هاروېسټ منصوبې په توګه په پيل كولو اتفاق شوے٬ دغسې د چين صدر پاکستان لپاره د 50 کروړه يوان اضافي مرستي اعلان كړې، ملاقات كښې د جمو او کشمير په صورتحال او سي پيك له تر افغانستان د پراختيا په وركولو هم د خيالاتو څرګندونه شوې۔ د وزيراعظم آفس ميډيا ونګ د اړخه د شورو په ورځ د جاري شوې بيان له مخې وزيراعظم صدر شي جن پنګ له د چين کميونسټ ګوند 20مي مرکزي کمېټۍ يو وارې بيا په جنرل سيکرټري ټاكل كېدو مبارکي وركړه۔ده په هېواد كښې د لويې سېلاب له امله د شوې تباهۍ په تناظر كښې د بحالۍ او بيا ودانۍ په هڅو كښې په مرسته كولو د چين مننه وكړه۔ دواړو لارښودو په پاك چين دوه اړخيزه اړيكو كښې د پيش رفت جاج واخست او د شريكې خوښي په سيمه ايزو او نړيوالو چارو ئې د خيالاتو څرګندونه وكړه۔ ده د دواړه هېوادونو ترمينځه ستراتيجيكي همكارۍ سره د خپل تړون پخلې وكړو كومه چې په د هر آزمائش په وخت په مثبت ډول رامخې ته شوې۔ ده ووئيل دواړه هېوادونه د امن، استحکام، پرمختګ او سوكالۍ خپل شريك وژن ته عملي شكل وركولو لپاره اوږه په اوږه ولاړ دي۔ وزير اعظم شهباز شريف د چين سوكالۍ لپاره د صدر شي جن پنګ قيادت او دوه اړخيزه اړيكې قوي كولو لپاره د هغه وژن ته پيرزوئنې وړاندې كړې۔ دواړو لارښودو د دفاع، تجارت او سرمايه کارۍ، زراعت، صحت، تعليم، ګرين انرجي، سائنس او ټيکنالوجي او د آفتونو مخنيوي لپاره د تيارۍ پشمول په ګڼو چارو د خيالاتو څرګندونه وكړه۔ ده د سي پيك لپاره د خپل شريك تړون پخلې وكړو او دا خبره ئې رامخې ته كړه چې سي پيك سره به د پاکستان او چين ترمينځه دوه اړخيزه اړيكي لا قوي شي۔ دواړو لارښودو په دې خبره اتفاق وكړو چې د سټريټجکي اهميت منصوبې په توګه دواړه ډلي به د سي پيك فرېم ورك ترمخه اېم ايل ون د ابتدائي هاروېسټ منصوبې په توګه پيل كولو له شريكي هڅي كوي۔ ده په كراچۍ كښې د ماس ټرانزټ منصوبې په حاجت رڼا واچوله۔ ملاقات كښې د كراچي سركلر رېلوے زر تر زره پېلو كولو له ټولو رسمي كارروائيو ته په حتمي شكل وركولو سلا راغله۔ دوئي د دورې په مهال د دوه اړخيزه مرستې احاطه كوؤنكو د يو شمېر لوظنامو لاس ليك كېدو ستائنه هم وكړه۔ صدر شي جنګ پنګ باور وركړو چې چين به د پائيدار اقتصادي پرمختګ او جيو اكنامك مركز په توګه خپل صلاحيتونه كارولو سره د پاكستان ملاتړ روان ساتي۔ ده په پاکستان كښې د سېلاب نه پس د مرستي او او بحالۍ هڅو لپاره د 500 مليون يوان اضافي پيکج هم اعلان كړو۔ دواړو لارښودو په تندۍ سره په نړيوال چاپېريال كښې په رامخې ته كېدونكي بدلون هم د خيالاتو څرګندونه وكړه كوم چې پرمختګ كونكو هېوادونو لپاره اقتصادي چيلنجونه زيات كړي دي۔ شوي۔دوي دې خبرې ته هم سلا شول چې د موسمياتي بدلون ، صحت ٬ وبائي رنځونو او د زيات شوي عدم مساوات په څير د عصري چيلنجونو مخنيوي لپاره د ملګرو ملتونو د چارټر مقصد او اصولو له مخې د رياستونو ترمينځه مرستي ته اړتيا ده۔ وزير اعظم شهباز شريف او صدر شي جن پنګ د جمو او کشمير او افغانستان صورتحال پشمول د سيمي په مهمو چارو هم خبري اتري وكړې۔ دواړه لارښود دې ته سلا شول چې يو امناكه او مستحکم افغانستان به سيمه ايزې سلامتيا او اقتصادي پرمختګ ته وده وركړي۔ دوي دې خبرې ته هم سلا شول چې د سي پيك تر افغانستان پراخه كولو سره به سيمه ايزو رابطو له پورته كېدونكي اقدامات وده ومومي۔ وزيراعظم صدر شي جن پنګ له زر تر زره د پاكستان دورې بلنه هم وركړه كومه چې هغه قبوله كړه۔
د وزير اعظم د چين صدر شي جن پنګ سره ملاقات، د اېم ايل ون د ابتدائي هاروېسټ منصوبې په توګه په پيل كولو اتفاق، پاکستان لپاره د 50 کروړه يوان اضافي مرستي اعلان
مضمون کا ماخذ : موبائل سے لاٹری کھیلیں
متعلقہ مضامین
