درګئي 20 مارچ (اے پي پي) وزيراعظم عمران خان د تحريك انصاف منحرف غړو ته وئيلي دي چې د تحريك انصاف منحرف غړي دې خپل ګوند ته بېرته راشي، دوي به معاف كړو، كه دوي په خپله پرېكړه پاتې كېږي نو خپل سباٶن به تل لپاره تباه كړي، اولس به دوي معاف نه كړي، د كرپشن په پېسه ضمير اخستونكو درې غلامانو ته وئيل غواړم چې د عدم اعتماد په تحريك كښې كاميابي به زمونږ وي، قوم دې پرېكړه وكړي چې د حق او باطل په معركه كښې چا سره ودرېدل دي، د اولس پېسه غلا كولو سره د حكومت بچ كولو نه ښه ده چې حكومت لاړ شي، مونږ په ملګرو ملتونو كښې د مارچ 15مه نېټه د اسلاموفوبيا په ضد د ورځې لمانځلو د قرارداد منظورې سره د اسلامي امت كېس ګټلے دے، ده ووئيل جنګ بائيلونكې ټولنه بېرته ودرېږي خو اخلاقي تباهې سره ختم شي. د اتوار په ورځ په درګئي كښې اولسي غونډې ته په خپله وېنا كښې وزيراعظم ووئيل چې جنېد اكبر ته د 25 كلونو په نظرياتي هڅو او خوارې پېرزوينه وړاندې كوم. ده ووئيل چې د درګئي شعور لرونكې اولس به د غلو په ضد زمونږ ګوند سره ودرېږي. ده ووئيل چې د قومونو په ژوند كښې كله پرېكنده وخت هم راځي كله چې د دوي په وړاندې دوه لارې راشي. ده ووئيل چې يو خوا د پاكستان نامتو شوكمار يوځائ شوي دي او بل خو هغه خلق دي كومو چې 25 كاله د دوي په ضد هڅې كړې دي. دې غلو او شوكمارو د غلا په پېسه زمونږ د اېم اېن اېز د ضمير قيمت لګولے، د دوي د اخستلو هڅې كوي، ضمير فروش پېسې اخستلو سره د خپل هېواد، دين او ضمير سودا كوي، كوم مذهب هم د خپل ضمير خرڅولو اجازه نه وركوي. ده چې كوم خلق لوټې كېږي، دوي د خپل ضمير سودا كوي. ده ووئيل چې د هېواد عدليه، د ټاكنو كميشن او د هېواد ځوانان ګوري، نن سبا د سوشل مېډيا دور دے، ځوانان شعور لري، د ټول قوم په وړاندې د ضمير سودا كېږي او دې ته د جمهوريت نوم وركول كېږي. مونږ د جمهوريت نظام د برتانيې څخه اخستې، هلته كوم هم غړے د خپل ضمير سودا نه كوي، دوي مسلمانان نه دي خو اقدار ئې لوړ دي، قوم ته وايم چې تاسو پرېكړه وكړئ چې تاسو كوم پلو ئې، الله مونږ ته د امر بالمعروف او نهې عن المنكر حكم كړے دے. كه ټولنه بچ كول او هېواد عظيم جوړول وي نو نېكې سره ودرېدل دي. ده ووئيل چې كله په سندھ هاٶس كښې د پوليسو په پهره كښې د پېسې په زور د جمهوريت جنازه وويستل شي نو د اولس فرض دي چې د دې سوداګرې په ضد ودرېږي او خپل غږ پورته كړي. وزيراعظم ووئيل چې ماته ووئيل شول چې اپوزيشن يوازې په سندھ كښې حكومت لري، مونږ سره په وفاق او صوبو كښې حكومتونه دي، دوي ته زياتې پېسې وركړئ او بېرته ئې راولئ، ما ووئيل چې دا د اولس پېسه ده، دا غلا كولو سره د خپل حكومت بچ كولو نه ښه ده چې زما حكومت لاړ شي، زه اېم اېن اېز ته پېسې وركولو سره د حكومت په بچ كولو لعنت وايم. وزيراعظم ووئيل چې شهباز شريف وائي چې اېبسولوټلي ناټ وئيل پكار نه وو، د اروپائي اېتلاف په ضد خبره كول ښه نه وو، ما په افغانستان كښې په انتشار د اډو وركولو نه انكار كړے و. وزيراعظم ووئيل چې پاكستان د امريكې په جنګ كښې ګډون وكړو ، د 80 زرو نه زيات پاكستانيان شهيدان شول، د 100 اربه ډالرو نه زيات معاشي زيان وشو، قبائيلي سيمې تباه شوې. وزيراعظم ووئيل چې مونږ به په امن كښې د امريكې ملګري يو خو په جنګ كښې نه.
د تحريك انصاف منحرف غړي دې خپل ګوند ته بېرته راشي، دوي به معاف كړو. د وزيراعظم عمران خان په درګئې كښې اولسي غونډې ته وېنا
مضمون کا ماخذ : بڑا برا بھیڑیا۔
متعلقہ مضامین
.jpg)
