منډي بهاٶالدين 13 فروري (اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې عدم اعتماد په منتونو، سوالونو او سازشونو نه كېږي، اپوزيشن عدم اعتماد نه شي كولې، د بلاول، شهباز او فضل الرحمان كوم سياسي حېثيت نشه، اولس ته دوي ښه معلوم دي، هېواد دوي ته نه شي سپارل كېدے، اپوزيشن د مدرسو د ماشومانو په سر سياست كول غواړي، پي پي پي او ن ليګ سيمه ايز ګوندونه جوړ شوي دي. د اتوار په ورځ په منډي بهاٶالدين كښې مېډيا سره په خبرو كښې د اطلاعاتو او خپرونو وفاقي وزير چوهدري فواد حسېن ووئيل چې پي ډي اېم ته لانګ مارچ لپاره كانټينر په كرايه وركول كېدے ، نواز شريف او مريم صفدر سزا شوي مجرمان دي. ده ووئيل چې د مقصود چپړاسي كېس به هم زر پېل شي، زمونږ خواهش دے چې دا كېسونه نېغ په نېغه وښودلې شي. د اطلاعاتو وفاقي وزير ووئيل چې وزيراعظم عمران خان به په منډي بهاٶالدين كښې تاريخي غونډې ته وېنا كوي. ده ووئيل چې وزيراعظم عمران خان منډي بهاٶالدين او جهلم ته تاريخي پرمختيائي پېكجونه وركړي دي. نن په دې سيمو كښې د سړكونو او پوهنتون جوړېدو سره د پرمختګ يو نوے سفر پېل شوے.
عدم اعتماد په منتونو، سوالونو او سازشونو نه كېږي، اپوزيشن عدم اعتماد نه شي كولې، د بلاول، شهباز او فضل الرحمان كوم سياسي حېثيت نشه، اولس ته دوي ښه معلوم دي. چوهدري فواد حسېن
مضمون کا ماخذ : میان میجک وائلڈ فائر
متعلقہ مضامین
