اسلام آباد 02اپرېل(اے پی پی)د سفيران٬كشمير او ګلګت بلتستان چارو وفاقي وزير انجينئر امير مقام وئېلي دي الېكشن كمېشن د آئين له مخې په خېبرپښتونخوا كښې د سېنېټ ټاكنې ځنډولې دي٬د پي ټي آئي اصل مخ اولس ته وړاندې شو ے٬ په خېبرپښتونخوا كښې د آئين او قانون خلاف ورزي كېږي٬كے پي كښې د سېنېټ ټاكنو په لار كښې خنډ جوړېدونكو په ضد د توهين عدالت كاروائي پكار ده۔د نهې په ورځ د پارليمنټ هاؤس په خوا كښې د قامي اسمبلۍ غړو سردار محمد يوسف او ادريس خان سره خبريالانو ته امير مقام ووئېل په ټول هېواد كښې د سېنېټ ټاكنې كېږي او هلته نه به د اولس نمائندګي راشي خو په كے پي كے كښې د سېنېټ ټاكنې نه كېږي د دې ذمه وار يو كس دے كوم چې په زندان كښې دے۔ده ووئيل په كے پي كے كښې د سېنېټ ټاكنې نه كېدل د افسوس وړ دي ٬د ټاكنو په لاره كښې خنډان رامخې ته كولو غندنه كوو٬د هغوي په ضد د توهين عدالت كاروائي پكار ده۔په دې موقع د قامي اسمبلۍ غړي سردار محمد يوسف ووئېل په پنجاب٬سندھ ٬ بلوچستان او قامي اسمبلۍ كښې د سېنېټ ټاكنې كېږي خو يواځې په خېبرپښتونخوا كښې نه كېږي٬دا ښكاره خبره ده چې هلته د آئين او قانون ښكاره ډول خلاف ورزي شوې٬ دې څخه سسټم او د خېبرپښتونخوا اولس ته زيان رسي۔سردار يوسف ووئيل زمونږ تعلق هم د خېبرپښتونخوا څخه دے ٬د ضد نظام اوس نشي چلېدے٬مونږ له د صوبې او هېواد نمائندګي كول دي چې څوك هم د آئين او قانون په لاره كښې خنډان رامخې ته كوي د هغوي په ضد به غږ پورته كولې شي او د دغې به غندنه كوو۔
په خېبرپښتونخوا كښې د آئين او قانون خلاف ورزي كېږي۔امير مقام
مضمون کا ماخذ : loteria instantânea
متعلقہ مضامین
