اسلام آباد 26 اكتوبر (اے پي پي) وړومبنۍ مېرمن بېګم ثمينه علوي وئيلي دي په مېرمنو كښې د سينې كېنسر په اړه خبرتيا پېدا كولو لپاره سېمينارونه او دستورې كولې شي، په پاكستان كښې په وړومبي ځل ډېټا راغونډولې شي چې ورسره به د دې رنځ خاتمې له مرسته تر لاسه شي. آئي بي اے سكهر كښې د سينې كېنسر د خبرتيا په اړه جوړې شوې دستورې ته خپله وېنا كښې وړومبنې مېرمن بېګم ثمينه علوي ووئيل په وخت تشخيص سره د سينې د كېنسر علاج ممكن دے، مونږ چې كومې هڅې كړي نتيجې ئې راروانې دي. هغې ووئيل په دې موضوع به وړاندې سېمينارونو او دستورو كښې پوره خبرې نه كېدې خو اوس د مېرمنو ډاډګېرنې لپاره سېمينارونه او هېلپ لائن هم جوړ كړے شوے چې په مرسته به ئې دوي لېډي ډاكټر ته رجوع كولې شي. هغې ووئيل په ټوله نړۍ كښې هر كال د لس لكه نه زياتې مېرمنې د سينې كېنسر له امله خپل ژوند د لاسه وركوي، په پاكستان كښې 90 زره مېرمنې د دې رنځ له امله په حق رسي. هغې ووئيل زمونږ د آبادۍ نيمه برخه په مېرمنو مشتمل ده ، مونږ له به د خپلو مېرمنو د روغتيا خيال ساتل وي. دستورې ته فلائټ لېفټېننټ مسرت شاه او نورو ډاكټرانو هم وېنا وكړه.
په وخت تشخيص سره د سينې د كېنسرعلاج ممكن دے. د وړومبنې مېرمن بېګم ثمينه علوي په آئي بي اے سكهر كښې دستورې ته وېنا
مضمون کا ماخذ : آن لائن لاٹری ٹکٹ
متعلقہ مضامین
